Біздің мақсатымыз – Серіктестіктің өндірістік объектілер мен кеңселеріндегі апатсыз жұмысты енгізу және қолдау. Серіктестіктің әрбір жұмыскері осы мақсатқа жетуге ұмтылады.

Біз жұмыскерлердің өмірін және денсаулығын қорғау саласында жоғары стандарттарды ұстанамыз. Оларды сақтау біздің жұмыскерлер мен мердігер ұйымдар үшін артықшылық болып табылады. Біз ең үздік компаниялардың алғы шептегі тәжірибелерін қолдануға әзірміз.

Біз алға қойған мақсатқа жету үшін еңбек қауіпсіздігін арттыру үшін тынбай еңбек етудеміз, өз жұмыскерлерімізді қорғауды ұйымдастыруға және компания басшылығының жауапкершілігіне баса назар аударамыз. Осыған байланысты жыл сайын еңбек жағдайларына, жарақаттанудың және кәсіби аурулардың алдын алуға бағытталған іс-шаралар жүзеге асырылуда.

Еңбек қауіпсіздігі және еңбекті қорғау саласындағы қызмет ҚР заңнамасының талаптарына және еңбек қауіпсіздігі және еңбекті қорғау жөніндегі халықаралық ережелер мен нұсқаулықтардың талаптарына сәйкес жүргізіледі.

«Қазақстан-Қытай Құбыры» ЖШС (бұдан әрі – Серіктестік) өндірістік қызмет нәтижелеріне, еңбекті қорғау және өнеркәсіптік қауіпсіздік саласындағы қауіпті өндірістік факторлардың алдын алуға қатысты жұмыскерлердің өмірі мен денсаулығына басымдық береді. Серіктестік жазатайым оқиғалар мен апаттарға байланысты шығындар мен залалдарға қатысты нөлдік төзімділік принципін ұстанады. 2023 жылғы 27 қыркүйекте Серіктестік қауіпсіздік және еңбек гигиенасы мәдениетін дамыту мақсатында Vision Zero нөлдік жарақаттану тұжырымдамасын алға тартудың жаһандық бастамасына ресми түрде қосылды.

2023 жылы «Қазақстан-Қытай Құбыры» ЖШС Халықаралық Мұнай және газ өндірушілер қауымдастығының (IOGP) «Өмірлік Маңызды Қағидаларын» қабылдады.

Серіктестіктің Өмірлік Маңызды Қағидалары тәуекелдерді анықтау, бағалау және бақылау процесіне жүйелі көзқарасқа негізделеді.

Серіктестіктің Өмірлік Маңызды Қағидаларын БІЛІП ЖҮРІҢІЗ және ЕСТЕ САҚТАҢЫЗ!
Еңбек қауіпсіздігін қамтамасыз ету саласындағы біліміңізді ЖЕТІЛДІРІҢІЗ!
Қауіпсіздік талаптары мен еңбек жағдайларының бұзылуына ШҰҒЫЛ ӘРЕКЕТ ЕТІҢІЗ!
Ықтимал қауіпті жағдай немесе тәуекелді бақылаудың тиісті деңгейі анықталмаған жағдайда ЖҰМЫСТЫ ТОҚТАТА ТҰРЫҢЫЗ.

Өнеркәсіптік қауіпсіздік

Біз жұмыскерлеріміз, мердігер ұйымдарымыз, жергілікті тұрғындар мен қоршаған орта үшін мұнайды апатсыз және қауіпсіз тасымалдауды жүзеге асыруды өз міндетімізге аламыз.

Қоршаған ортаны қорғау

Біз өндірістік әрекеттерден болатын жағымсыз әсер етулердің әлеуетті мүмкіндігін толық сезінеміз және неғұрлым жоғары экологиялық қауіпсіздік деңгейін қамтамасыз етуге дайынбыз.